Leseprobe "Schmid, Rudi: Ois wos recht is"

„De Sprach´ ghört zum Charakter des Menschen“, hod bereits vor 400 Jahren da englische Philosoph Bacon g´sogt. Und a wenn der Mann koa Bayer war, so muass ma ihm durchaus recht geb´n. Es is de Mundart, de an Menschen auszeichnet und de leider immer mehr an Bedeutung verliert. Deshalb war´s mir im vorliegenden Gedichtebüchlein a wichtig, meine Gedanken und Ansichten in der scheenen niederbairischen Sprach´ zu reimen. „Ois wos recht is!“, aber des Bayrische muass erhalten bleib´n. In dem Sinn wünsch i eich vui Freid beim Durchebladl´n und Lesen meiner Verserl und beim Oschaun vo de Buidl, de a vo mir san. Widmen dua i des Biachl meine Eltern, denen i vui verdank und so ziert a Kunstwerk vo meim Vater, der nachm Erwerbsleben mit da Malerei ogfangt hod, den Buchdeckel.

Reisbach im Vilstal

September 2019